Artiest

• Alle artiesten, Limburgs

• Sjoerpapier

  
  

Waerde tied

eurges in 2006 is de eerste sjtein gelag veur dees CD; bienao drie jaor zeen veer, mit heel grote tussepoze, bezig gewaes mit t vasligke van oos muziekale passie en de tekste van Chris In woonkamer, kelder en sjuur is edere track net zolang gepolies en gesjoerd toetdet t en ech Sjoerpapier-nummer waas.

Mit valle en opsjtaon, veel plezeer en menige diskussie is get ontsjtaon wo-in leefde veur meziek, Remunj en t remunsj dialekt, humor, herkinbare dagelikse gebeurtenisse en emosies noa boete komme.

De nummers vertelle verhaole oet t laeve in en um de sjtad Remunj, netuurlik in t Remunsj want veer zeen alle-veer gebaore en getaoge in dees sjtad. Zo vertelt Van de Roer in de Maas euver t verangerende gezich van de sjtad.

In Waat eine kraom, Langs de autobaan en De maf waert de realieteit besjreve van t laeve in eine waereld um s haer dae sjteeds helder en aafsjtenjelikker waert.

Bliej en vol humor zeen de nummers Janse, Trek maar ein nummerke en Feertig.

De vastelaovesgek is ein ode aan de Limburgse vastelaoveskultuur en bringk t echte vastelaovesgeveul van eine vastelaovesgek nao boete. Veur alle vaders mit dochters is Doe en ich gesjreve. Same noa boete tensjotte, is veur Chris zien vader en ederein dae ongewild in ein verzorgingshoes terech kump.

In 2001 brach Sjoerpapier al un single oet:

Langs de iezere Rein, gemaak in opdrach van de gemeintes Remunj en Roerdalen as protesleedje taege de heringebroekname van t historische treintrac. t Thema is noe in 2009 nog sjteeds aktueel. Oet resjpek veur de volharding in t gevech van alle protesgroepe hobbe veer det nummer als bonustrack op dees CD gezat.

Dees CD drage veer op aan us ajers die veer dankbaar zeen, det zie s huur muziekale gene hubbe euvergedrage.

en Gedeilte van de opbrings van de CD kump ten goede aan de Stichting Kultpub die Remunsje kultuur veur ederein toegankelik probeert te make.

Veel plezeer mit loestere

Sjoerpapier

Rainbow Entertainment 0475-318617  06-55703399

Contact formulier