Artiest

• Alle artiesten, Limburgs

• Patrick Gerets

  
  

Ich zal mich aeve aan uch veursjtelle,

Leef luuj, ich bin Patrick Gerets,
gebaore op 31 juli 1980 te Remunj, zoon van Huub Gerets en Marjo Gerets- Schuman. Ich woon same mit Marcel van de Donk in Remunj.

Toen ich vief jaor waas bin ich al mit zinge begs. t eerste optraeje waas op de 25-jaarige broelof van mien oom en tante. Det is bliekbaar good bevalle want daonao waas t biej eeder femiliefeesje pries. Wie de vastelaovesvereniging Dn Uul jubileum vierdje waerde aan alle Remunjse vastelaovesvereniginge gevraog ein optraeje te verzorge oppe jubileumsaovend. Miene aangetrouwde naef waas destieds veurzitter van Koelbetus.Dae naef wis waal emes dae det optraeje zou gaon verzurge. ich dus.
Op dae aovend hob ich es 12-jaorig menke veur 1700 miense sjtaon te zinge en ich kin uch dit vertelle,ndet waas prachtig.
s Maondig nao det optraeje ging thoes de tillefoon. t Waas Jacqueline, dochter van de groote Johnny Hoes. Ziej haaj van miense geheurd det ich good kos zinge en det haore pap (Johnny Hoes dus) mich ins wel heure zinge.
Naodet ich veur m haaj gezonge waas hae erg enthoesjas en kreeg ich druk ein kontrak aangebaoje. Hiej bin ich destieds neet verder op ingegaon.
Pas maondje later bn iich biej Pieter Zeelen terecht gekome. Eine man dae blindj is mer via meziek en tekst good kint zeen. Later ging ouch Marc Latta tekste veur mich sjrieve. Dees men leete mich de sjterre vanne hemel zinge. In 1994 deej ich mit aan t Remunjs leedjes konkoer mit t nummer  t Zit mich in t blood. Ich waerde hiej als klein menke tweede mit en det sjmaakte nao meer. Mede door de Sjtichting Remunj CeeDee kwaam der eeder jaor ein leedje oet op CeeDee. Zo leerde Remunj en omsjtreeke mich kinne.
In 1997 won ich de Uule sjlager mit t leedje Oette waeg aan de kantj, dit waas ein geweljig sukses.
In 2001 deej ich mt aan t Limburg Vastelaoves Leedjes Konkoer (LVK) mit t nummer Vastelaovesromance. Ich kwaam toet de halve finale mer desalmeettemin leep t nummer wie eine trein. Euveral wo ich kwaam koste de miense t leedje mit zinge en eederein wilde t heure. In 2003 bin ich in kontak gekomme mit Marlstone. Biej dees muziek maatsjappie hub ich mien eerste komplete CeeDee oetgebrach Laote veer danse. Hiej sjtaon aaje bekinde van mich op maar ouch ein aantal nuuje nummers. Ouch deze keer gesjreve en gecomponeerd door Marc en Pieter. Momenteel zeen veer volop aan t wirke aan de opvolger mit allemaol nuuj nummers.
Veer zeen s op ein optraeje en ich haop det geer geneet van miene meziek !

Rainbow Entertainment 0475-318617  06-55703399

Contact formulier