Artiest

• Alle artiesten, Limburgs

• Labamba

  
  

In oktoeaber 1997 begoste Ron en Harrold inne meziekkamer biej Ron heim veurzichtig, hiel veurzichtig, aan de ierste stepkes van ut orkes La Bamba, al woor de naam La Bamba doe nag neet gebaore.
Leedjes van ut ierste oer wore Beautiful Body van The Bellamy Brothers en de Walk of life van de Dire Straits. Dit ging netuurlik dik gepaard met boekpien van ut lache.
Mer good de ierste stap richting buun woor gezatj.
Nao un paar maondj van allein mer zinge en midifiles bewerke waerde in 1998 un drumstel aangesjaf, Yamaha Stage Custom.
Gebroekde vur in ut begin nag get biejein geraapte bekkes, later in ut jaor waerde ouch hiej get fetsuundeliks veur gekoch: de K-serie van Zildjian.
In juni 1998 volgde os ierste optraeje op un femiliejfieske eurges in un graasj in Mofert, veur de kat zien kut netuurlik.
Oet dees graasj, die woor omgetoverd toet unne prachtige fieszaal, kwame dus de ierste offisjele La Bamba klanke.
Vir krege drek gooj reakties mer veer wiste netuurlik det dit pas ut begin woor van waat get sjoeans zoew kinne waere.
Dit koste veer allein mer bereike door hiel veul te oefene mer ouch door op te traeje veur un pebliek.
Veer benaderde get kefees inne buurt en vroge of veer (taenge unne leuke pries, veur de kastelein denne!!!!!) uns unne aovendj moogde spele.
De meiste kefees reageerde pozitief en zoea waerde de ierste boetedurpse optraejes inne agenda gesjreve. (Na ja agenda??!!!, veer koste ze zoea ouch waal onthaaje!!). Zoea kreeg ut oefene ouch mier doel veur os.
Vanaaf ut moment det La Bamba zich inne kefees kos laote hoere kwame de optraejes aanvlege (kosde jao bao nieks ..hahahahaha)
Vur probere de leedjes, vanaaf ut begin al, altied mit un porsie humor en entoeziasme aan te kondige, en det woord, gezeen de reakties, euver ut algemein enorm gewaardeerd.
Vanaaf dit prille begin maak La Bamba ouch al gebroek van midifiles om de meziek zoea ech meugelik te laote klinke.
De midifiles waerde ut ierste ongerhallef jaor bewerk door unne vrundj van os dae dao waal get van kos. Begin 1999 sjafde veer zellef unne kompjoeter en un leuke geluidsmoduul aan, Yamaha MU-90R.
Ut veurdeil hiejvan woor det de files door de nuuj geluidsmoduul veul baeter klonke en door det Ron zich ut bewerke vanne files eige houw gemaak kos dit netuurlik veul sneller gebeure omdes se den neet mier aafhankelik bis van emes anges dae veur dich tied mot vriej make.
Waat ouch nag waerde aangesjaf woor een geluidsinstallasie: Dynacord Forum Line.
Op dit moment spele veer mit un lektries drumstel, dit doon ver omdet vur den ut geluidsnivo baeter aanne winse van ut pebliek kinne aanpasse.
Op 1 jannewarie 2006 zeen veer gestop mit aovendjvullendj op te traeje en is La Bamba allein nag mer te boke veur bandjoptraejes mit enne doer van ongevier n hallef oer.

Rainbow Entertainment 0475-318617  06-55703399

Contact formulier